ᐱᓕᒻᒪᓴᕐᓂᕐᒧᑦ ᐊᒻᒪᓗ ᓇᒻᒥᓂᖁᑎᒋᔭᐅᔪᑦ ᐱᕙᓪᓕᐊᑎᑕᐅᓂᖏᑦ


ᐄᐳᕈᓪ 13 - 14

ᑲᑎᒪᕕᔾᔪᐊᕐᓂᖅ ᒪᑐᐃᓪᓚᕆᓚᐅᙱᓐᓂᖓᓂ, ᓄᓇᕗᒻᒥ ᐳᓚᕋᑦᑐᓕᕆᓂᕐᒧᑦ ᐊᐅᓚᑦᑎᔩᑦ, ᓄᓇᓕᒻᒥᐅᑦ, ᐊᒻᒪᓗ ᑮᓇᐅᔭᓕᐅᕋᓱᐊᓲᑦ ᒪᕐᕉᖕᓂᒃ ᐅᓪᓘᓐᓂᒃ ᐊᑯᓂᐅᑎᒋᔪᖅ ᐱᓕᒻᒪᒃᓴᕈᓐᓇᓛᖅᑐᑦ ᐊᒻᒪᓗ ᐱᓕᕆᖃᑎᒌᒋᐊᓯᖁᓪᓗᒋᑦ ᑲᑎᒪᑎᑕᐅᓗᑎᑦ ᓇᒻᒥᓂᖁᑎᒋᔭᐅᔪᑦ ᖃᓄᐃᓕᐅᕆᐊᖃᕈᑎᖏᑦ ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᓂᕐᒥᒃ ᐱᕙᓪᓕᐊᑎᑕᐅᓗᓂ ᐊᑐᖅᑕᐅᖃᑦᑕᓂᐊᕐᒪᑦ ᐅᐸᓗᖓᐃᖅᓯᒪᓕᕐᓗᓂ ᐊᒻᒪᓗ ᐊᐅᓪᓚᖃᑦᑕᕈᓐᓇᖅᓯᓗᑎᑦ ᐅᐸᓗᖓᐃᖅᓯᒪᓪᓚᑦᑖᕐᓗᑎᑦ. ᐱᓕᕆᖃᑎᒌᒍᓐᓇᕋᔭᕐᒥᔪᑦ ᑲᑎᒪᖃᑎᒋᔭᐅᓗᑎᑦ ᓇᒻᒥᓂᖁᑎᑖᕈᒪᔪᓂᑦ ᑮᓇᐅᔭᖃᖅᑎᑦᑎᓲᓂᑦ ᑲᑐᔾᔨᖃᑎᒌᓂᑦ.


ᐅᑭᐅᖅᑕᖅᑐᑉ ᖃᓄᐃᑦᑑᓂᖓ: ᐳᓚᕋᖅᑐᓕᕆᓂᕐᒧᑦ ᑲᑎᒪᕕᔾᔪᐊᕐᓂᖅ 2019


ᐄᐳᕈᓪ 15 - 18

ᑲᑎᒪᕕᔾᔪᐊᕐᓂᖅ ᒪᑐᐃᕋᔭᖅᑐᖅ ᑕᑯᒃᓴᐅᑎᑦᑎᓗᑎᑦ ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᔨᐅᔪᓂᑦ ᑭᒃᑯᓕᒫᓄᑦ ᐅᐸᑦᑕᐅᒍᓐᓇᖅᑐᓂᓗ. ᐱᕕᖃᑦᑎᐊᑐᒻᒪᕆᐅᒐᔭᖅᑐᑦ ᖃᐅᔨᓗᑎᑦ ᐊᔾᔨᒌᙱᑦᑐᓕᒫᓂᑦ ᐳᓚᕋᖅᑐᓕᕆᕙᑦᑐᓂᑦ ᓄᓇᕗᒻᒥ ᐊᑕᐅᓯᕐᒦᓪᓗᑎᑦ ᐃᒡᓗᕈᓯᕐᒥ.

ᒪᑐᐃᕆᐊᙵᕈᑎᓂᑦ ᐅᖃᓪᓚᐅᓯᖃᕋᔭᖅᑐᑦ ᐅᓐᓄᓴᒃᑯᑦ ᐊᒻᒪᓗ ᐅᓐᓄᒃᑯᑦ ᑐᙵᓱᐊᑎᑦᑎᓗᑎᑦ ᐃᒥᕐᓗᑎᑦ ᑕᒧᐊᒃᓴᖅᑕᖃᕐᓗᓂᓗ ᐱᓕᕆᖃᑎᒌᒍᓐᓇᑦᑎᐊᕋᔭᖅᑐᑎᓪᓗ ᐅᓪᓗᖅ ᓯᕗᓪᓕᖅᐹᖓᓂ ᑲᑎᒪᕕᔾᔪᐊᓂᕐᒥ.

ᑐᑭᓯᒋᐊᖅᑎᑦᑎᓂᕐᒧᑦ ᑲᑎᒪᓂᖓ ᐱᒋᐊᕋᔭᖅᑐᖅ ᐅᓪᓗᖅ ᑭᖑᓪᓕᕐᒥ ᐊᑕᐅᑦᑎᒃᑯᑦ ᐊᔾᔨᒌᙱᑦᑐᑦ ᑲᑎᒪᑎᑕᐅᓗᑎᑦ ᐊᒻᒪᓗ ᑕᒪᐃᓐᓂ ᑲᑎᒪᔭᖅᑐᖅᓯᒪᔪᑦ ᑲᑎᒪᓕᕐᒥᓗᑎᑦ ᐊᐱᖅᓱᕈᓐᓇᕐᓗᑎᑦ ᐅᖃᓪᓚᑦᑎᓂᑦ ᐅᖃᐅᓯᖃᕋᔭᖅᑐᑦ ᑕᒪᐃᓐᓂᓕᒫᑦᑎᐊᖅ ᐳᓚᕋᖅᑐᓕᕆᓂᐅᔪᒥ ᓄᓇᕗᒻᒥ.