ᓇᓗᓇᐃᒃᑯᓯᕐᓗᒋᑦ ᐅᓪᓗᖅᓯᐅᑎᑎᑦ ᐄᐳᕈᓪ 15-18, 2019 ᐃᖃᓗᐃᑦ, ᓄᓇᕗᑦ!  

ᐅᑭᐅᖅᑕᖅᑐᑉ ᖃᓄᐃᑦᑑᓂᖓ: ᐳᓚᕋᖅᑐᓕᕆᓂᕐᒧᑦ ᑲᑎᒪᕕᔾᔪᐊᕐᓂᖅ 2019

ᐅᑭᐅᖅᑕᖅᑐᑉ ᖃᓄᐃᑦᑑᓂᖓ: ᐳᓚᕋᖅᑐᓕᕆᓂᕐᒧᑦ ᑲᑎᒪᕕᔾᔪᐊᕐᓂᖅ 2019 ᑎᓴᒪᓂᑦ ᐅᓪᓗᓂᑦ ᖃᓄᐃᓕᐅᕈᓘᔭᖅᑎᑦᑎᔪᑦ ᓄᓇᕗᒻᒥ ᐳᓚᕋᖅᑐᓕᕆᓂᕐᒥᒃ ᐱᓕᕆᐊᒃᓴᖃᖅᐸᑦᑐᓄᑦ ᐊᑐᖅᑕᐅᖁᓪᓗᒋᑦ. ᑲᑎᒪᑎᑦᑎᔪᑦ ᐅᖃᖃᑎᒌᖁᓪᓗᒋᑦ ᐱᔾᔪᑎᒋᔭᐅᓪᓗᐊᓲᓂᑦ ᐊᒻᒪᓗ ᐅᖃᖃᑎᒌᓕᖅᑎᑦᑎᔪᖅ ᑭᖑᓪᓕᕐᒥ ᐊᑐᖅᑕᐅᓛᖅᑐᓂᑦ ᐳᓚᕋᖅᑐᓕᕆᓂᕐᒨᖓᔪᓂᑦ. ᑲᑎᒪᕕᔾᔪᐊᕐᓂᖅ ᑲᑎᒪᑎᑦᑎᒐᔭᖅᑐᖅ ᐃᖅᑲᓇᐃᔭᖃᑎᒌᒍᓐᓇᖁᓪᓗᒋᑦ ᐳᓚᕋᖅᑐᓕᕆᓂᕐᒥᒃ ᐱᓕᕆᐊᖃᓲᑦ ᓇᓂᓯᖁᓪᓗᒋᑦ ᖃᓄᖅᑑᖅᓯᒪᔪᓂᑦ ᐊᑑᑎᖃᐅᑦᑎᐊᖅᑐᓂᓪᓗ ᖃᓄᐃᓕᐅᕈᑎᒋᐅᓛᖅᑐᓂᑦ ᐱᕙᓪᓕᐊᒍᑎᒋᔭᐅᕙᓪᓕᐊᓂᖓᓂᒃ ᐳᓚᕋᖅᑐᓕᕆᓂᕐᒧᑦ ᐸᕐᓇᓐᓂᖅ ᐊᒻᒪᓗ ᖃᓄᖅᑑᕐᓂᖅ ᓄᓇᕗᒻᒥ.

ᓯᕗᓂᐊᒍᑦ ᑲᑎᒪᕕᔾᔪᐊᕐᓂᐊᖅᑎᓪᓗᒋᑦ ᐃᓕᓐᓂᐊᖅᑎᑦᑎᔪᖃᓛᕐᓂᖓᓂᓪᓗ ᐋᖅᑭᒃᓱᐃᓯᒪᒋᕗᑦ.


ᑭᒃᑯᑦ ᐃᓚᐅᖃᑕᐅᔭᕆᐊᖃᖅᐹᑦ

  • ᐅᑭᐅᖅᑕᖅᑐᑉ ᖃᓄᐃᑦᑑᓂᖓ: ᐳᓚᕋᖅᑐᓕᕆᓂᕐᒧᑦ ᑲᑎᒪᕕᔾᔪᐊᕐᓂᖅ 2019 ᐱᖃᓯᐅᔾᔨᒐᔭᖅᑐᑦ: ᐳᓚᕋᖅᑐᓕᕆᓂᕐᒥᒃ ᐊᐅᓚᑦᑎᔨᖏᑦ ᐊᒻᒪᓗ ᐊᐅᓪᓚᐅᔾᔨᔩᑦ, ᓄᓇᓕᓐᓂ ᓯᕗᓕᖅᑏᑦ, ᑲᓇᑕᒥ ᐊᕕᑦᑐᖅᓯᒪᔪᓂᓪᓗ ᐃᓄᐃᑦ ᑲᑐᔾᔨᖃᑎᒌᖏᑦ, ᓄᓇᕗᒻᒥ ᑲᓇᑕᒥᓗ ᒐᕙᒪᖏᑕ ᐱᓕᕆᕝᕕᖏᓐᓂᒃ ᑭᒡᒐᖅᑐᐃᔩᑦ ᐊᒻᒪᓗᑦᑕᐅᖅ ᑲᓇᑕᒥ ᐊᒻᒪᓗ ᓄᓇᖃᖅᑳᖅᓯᒪᔪᑦ ᐳᓚᕋᖅᑐᓕᕆᓂᕐᒧᑦ ᑲᑐᔾᔨᖃᑎᒌᖏᑦ.

  • ᐅᑭᐅᖅᑕᖅᑐᑉ ᖃᓄᐃᑦᑑᓂᖓ: ᐳᓚᕋᖅᑐᓕᕆᓂᕐᒧᑦ ᑲᑎᒪᕕᔾᔪᐊᕐᓂᖅ 2019 ᐱᕕᖃᖅᑎᑦᑎᔪᑦ ᑕᒪᐃᓐᓂ ᐳᓚᕋᖅᑐᓕᕆᓂᕐᒥᒃ ᑲᒪᕙᑦᑐᓂᑦ ᓄᓇᕗᒦᑦᑐᑦ ᑐᓴᖅᑕᐅᖁᓪᓗᒋᑦ. ᑭᒃᑯᓕᒫᑦ ᐱᕙᓪᓕᐊᑎᑦᑎᒍᒪᔪᑦ ᐋᖅᑭᒃᓱᐃᓗᑎᑦ ᓴᙱᔪᒥᒃ ᐊᒻᒪᓗ ᒪᑭᒪᔪᓐᓇᖅᑐᒥᒃ ᐳᓚᕋᖅᑐᓕᕆᓂᕐᒥᒃ ᓄᓇᕗᒻᒥ ᑲᑎᒪᕕᔾᔪᐊᖃᑕᐅᔭᕆᐊᓖᑦ ᐊᒻᒪᓗ ᐃᑲᔪᕐᓗᑎᑦ ᐋᖅᑭᒃᓱᐃᖃᑕᐅᓗᑎᑦ ᖃᓄᖅᑑᕈᑕᐅᓯᒪᔪᒥᒃ ᑐᑭᒧᐊᑦᑎᑦᑎᒐᔭᕐᒪᑕ ᐅᖃᖃᑎᖃᕐᓂᒃᑯᑦ ᐊᒻᒪᓗ ᐊᖏᖃᑎᒌᖕᓂᒃᑯᑦ.

  • ᐱᕕᖃᕋᖅᑐᓯᓗ ᐃᓕᓐᓂᐊᕐᓗᓯ ᓇᒻᒥᓂᖁᑎᖃᐅᖅᑐᑦ ᐱᐅᓛᓂᒃ ᐃᓕᖅᑯᓯᖃᓲᖑᓂᖏᓐᓂᒃ, ᖃᐅᔨᒪᓕᕈᓐᓇᕐᓗᑎᑦ ᐱᓕᕆᐊᖃᓲᓂᑦ ᐊᒻᒪᓗ ᐋᖅᑭᓱᖅᑕᐅᓯᒪᓪᓗᑎᑦ ᓴᖅᑭᔮᖅᑎᑦᑎᖃᑦᑕᕋᔭᖅᑐᓂᑦ ᑕᑯᔪᓐᓇᕐᓗᑎᑦ, ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᔨᐅᔪᑦ ᑲᔪᖏᖅᓴᖅᑕᐃᓐᓇᐅᕗᑦ ᑲᑎᒪᕕᔾᔪᐊᖃᑕᐅᓗᑎᑦ.